<<    <     Sang Prabu Sane Ngrahayuang     9     >    >> 
Sinoman Baal Nglawan Dane Elia
122 Wenten cerita sujati saking Cakepan Sucine,
indik para sinoman Baale nglawan dane Elia.
123 Risampune Sang Hyang Tunggal mapaica dasa prentah ring bangsa Ibranine,
kasuen-suen bangsa Ibranine punika kapimpin olih raja sane jaat.
Raja lan bangsane punika nyungsung lan ngaturang aturan ring togog Baale,
inggih punika sasembahan bangsa lianan.
Nah,
paindikan punika nglanggar dasa prentahe.
124 Nah saking bangsane punika,
wenten adiri sinoman Sang Hyang Tunggal sane mapesengan Elia.
Dane Elia puniki nantangin raja sane jaat punika lan para sinoman Baale sane akehnyane samas seket diri,
mangda mrika ka gunung Karmel.
125 Risampune rauh ring gunung Karmele,
irika raris dane Elia mabaos sapuniki,
126 “Aba ja lembu dadua kadadiang aturan sid sasembahane suang-suang.
Sasembahan ane cenke ane bakal ngicen geni apanga morbor aturane,
sasembahane ento sujatine sasembahan ane patut.”
127 Raris para sinoman baale punika ngambil asiki lembune punika,
kapukang-pukang kadadosang aturan.
Saking semengan kantos ka sanja,
nenten wenten geni saking sungsungan ipune sane morbor aturane punika.
128 Risampune kenten,
raris dane Elia menehin tugu sane kaanggen ngaturang aturan ring Sang Hyang Tunggal,
sane sampun kauugang.
Tur dane ngambil lembune asiki punika lan kapukang-pukang,
kagenahang ring duur saange ring tugune punika.
Samaliha dane Elia mrentahang rakyate mangda nyiam aturane punika nganggen toya biasa roras jeding.
Mangdane aturane punika dados beseg lan keweh kaborbor.
129 Raris dane Elia mapinunas ring Sang Hyang Tunggal sapuniki,
130 “Duh Ratu Sang Hyang Tunggal,
sasembahan Abraham lan bangsa Ibranine.
Titiang mapinunas mangdane bangsane puniki uning I Ratu sasembahan sane patut.
Lan bangsane puniki mawali nyembah lan satya ring I Ratu.”
131 Raris irika wenten geni sane tedun saking langite morbor aturane punika.
Aturane,
saange,
batune lan toyane sane mesegin aturane punika telas kaborbor.
Nyingakin paindikane punika,
makasami rakyate matimpuh saha matur,
132 “Wantah Sang Hyang Tunggal sasembahan sane patut!
Wantah Sang Hyang Tunggal sasembahan sane patut!”
Penuntun mabligbagan ring pasamuan:
1. Ngaturang penyuksma.
“Ngiring ja iraga ngaturang suksma mangkin. Semeton jagi ngaturang suksma indik napi?”
2. Ceritayang ja pakeweh semetone suang-suang raris iraga saling tunas icayang.
“Napike semeton wenten pakeweh mangkin?”
3. Ngwacen utawi mirengin paplajahane puniki.
4. Saurin ja pitakenne puniki:
“Napi sane plajahin iraga indik Sang Hyang Tunggal ring ceritane puniki?”
“Napi sane plajahin iraga indik manusa saking ceritane puniki?”
“Sekadi napike sapatutne iraga nyalanang idup manut pengajahane puniki?”
“Kapining sirake sapatutne iraga nyeritayang malih ceritane puniki?”